مساحات الفرح تصغر .. ولا يبقى سوى همي !!

  

مدخل ... /
مسـآء الحزن .. ياهاك الخفوق الذابل الحيران !
مسـآء المزن .. وعيون السحاب ... وثرثرهـ غيمه !

مسـآء الجرح .. لاردّت جروحك .. أربعــه جدران !
مسـآء الفرح .. لانسنس هواك .. وضمـّـته .. ديمه !



مساحات الفرح تصغر ولا يبقى سوى همي

وضياع أحلام وفراق(ن) ترك في داخلي بركان



تعبت أستوهم الفرحه ..تعبت أبكي على حلمي
تعبت أوقف على أطلاله وأدور له على عنوان




أشوفك يا الحزن وافي كأن اللي رضعك أمي!!
أو انك جيت من غربه ولقيت فداخلي أوطان!!


جرى طبع البدو بدمك..فزعت بحربي وسلمي
تسل السيف في وجه الفرح وتعزز الحرمان




أداويك وتداويني .. وتخلط دمك بدمي
قطفت القلب وعروقه وتبدل داخلي شريان




وإذا أقبلت بجروحي تناديني " هلا عمـي"
وأنا أجاوب "هلا باللي وفا أكثر من الخلان"




وأشكيلك من جروحي وأشكي من تعب ظلمي
وتغرقني بأفضالك إلا من جيت لك تعبان



ومنك بس عرفت أطباع ناسي يابطل فلمي

عرفت إن الوفا نادر..وغدر(ن) هو جزا الإحسان !!




عرفت الدنيا ماتسوى وأنا ماكان ذا علمي
حسبت إنها عزيزه شان وأثرها مالها أي شان




أنا ماكنت غير إني صريح والصدق هو جرمي
وأثر مايعيش بالفرحه سوى الكاذب مع الخوان




أنا يكفيني لا مني رحلت أترك صدى إسمي
تزين بالوفا ولو البشر خانوا أنا الكسبان !!




وأنا مبطي إنقتل فرحي ولا باقي سوى همي
وضياع أحلام وفراق(ن) ترك في داخلي بركان

مخرج ... /
ياطعم الملح .. ياوحشة طعوني جيت لك بردان !!
أبي لي " يد " .. تسرقني " صباح " وشمسنا نيمه !!!



مسامير السهر تركز بــ عيني .. وأبلع الأحزان !
وأجي بـ طعون .. يا والله عليها .. من التعب قيمه !!